1. ຄວາມໝາຍ ແລະ ຄວາມສຳຄັນຂອງໂຄງການ

ໂຄງການໄຟຟ້າເຊປຽນ-ເຊນ້ຳນ້ອຍ ມີກຳລັງຕິດຕັ້ງ 410 MW. ລັກສະນະການອອກແບບຂອງໂຄງການແມ່ນຕັນເອົານ້ຳຈາກຫ້ວຍໝາກຈັນ, ເຊປຽນ ແລະ ເຊນ້ຳນ້ອຍ ໂດຍສົ່ງຕໍ່ນ້ຳຜ່ານອຸມົງ, ຄອງສົ່ງນ້ຳ ເຂົ້າໃສ່ອຸມົງປາກນ້ຳເຂົ້າທີ່ຕັ້ງຢູ່ເມືອງປາກຊ່ອງ ພູພຽງບໍລະເວນ ແຂວງຈຳປາສັກ ແລ້ວອວ່າຍນ້ຳລົງສູ່ໂຮງຈັກໄຟຟ້າ ທີ່ເມືອງສາມັກຄີໄຊ ແຂວງອັດຕະປື.
ຍ້ອນມີຄວາມເປັນໄດ້ຂອງໂຄງການ ລັດຖະບານ ສປປ ລາວ ຈຶ່ງຕົກລົງເຫັນດີໃຫ້ມີການສຳຫຼວດທາງດ້ານເສດຖະກິດເຕັກນິກ ລວມທັງປະເມີນຜົນກະທົບດ້ານສິ່ງແວດລ້ອມ-ສັງຄົມ ໂດຍບໍລິສັດ Colenco Power Energy Co., Ltd ມາແຕ່ປີ 2005 ຈົນເຖິງປີ 2007 ຈຶ່ງໄດ້ສຳເລັດເອກະສານປະເມີນການສຳຫຼວດ-ອອກແບບຂອງໂຄງການ.
ເນື່ອງຈາກເງື່ອນໄຂ ແລະ ຄວາມເປັນໄປໄດ້ ທາງດ້ານພູມປະເທດທີ່ເໝາະສົມ ຈຶ່ງເຮັດໃຫ້ເກີດມີການພັດທະນາໂຄງການໄຟຟ້າ ໃນເຂດບໍລິເວນ ສອງແຂວງນີ້ຂຶ້ນ ໂດຍເງື່ອນໄຂຈາກສາມແມ່ນ້ຳທີ່ເອີ້ນກັນວ່າ ເຊປຽນ-ເຊນ້ຳນ້ອຍ ແລະ ຫ້ວຍ ໝາກຈັນ ທີ່ມີລະດັບນ້ຳຕົກແຕກຕ່າງກັນ ຈາກອ່າງລົງໃສ່ກົງຫັນທີ່ໂຮງຈັກໄຟຟ້າສູງເຖິງ 600 ມ, ຊຶ່ງຖືກຈັດເຂົ້າໃນໂຄງການບູລິມະສິດຂອງລັດຖະບານ ສປປ ລາວ ກ່ຽວກັບການພັດທະນາ ຂະແໜງໄຟຟ້ານ້ຳຕົກ ແບບຢືນຍົງ ແລະ ມີຄວາມຮັບຜິດຊອບຕໍ່ສິ່ງແວດລ້ອມ-ສັງຄົມ.

ໂຄງການສາມາດຜະລິດກະແສໄຟຟ້າໄດ້ 1.879 Gwh/ປີ. ໂຄງການດັ່ງກ່າວສົ່ງອອກໄຟຟ້າ 90% ຂອງພະລັງງານໄຟຟ້າໄປສູ່ປະເທດໄທພາຍໃຕ້ສັນຍາຊື້-ຂາຍໄຟຟ້າລະຫວ່າງ PNPC ແລະ ການໄຟຟ້າຝ່າຍຜະລິດແຫ່ງປະເທດໄທ, ສ່ວນທີ່ເຫຼືອ 10% ແມ່ນຊົມໃຊ້ພາຍໃນປະເທດ ຕາມສັນຍາຊຶ້-ຂາຍໄຟຟ້າ ລະຫວ່າງ PNPC ແລະ ລັດວິສາຫະກິດໄຟຟ້າລາວ.
PNPC ຈະດຳເນີນການຜະລິດ ແລະ ບໍລິຫານໂຄງການໃນຊ່ວງໄລຍະສຳປະທານ 27 ປີ ຫລັງຈາກ COD ໃນເດືອນ ທັນວາ ປີ 2019. ພາຍຫຼັງ ໝົດອາຍຸການສຳປະທານແລ້ວ PNPC ຈະມອບໂອນກຳມະສິດເປັນຂອງລັດຖະບານລາວ.

2. ທີ່ຕັ້ງຂອງໂຄງການ

ໂຄງການໄຟຟ້າເຊປຽນ - ເຊນ້ຳນ້ອຍ ຕັ້ງຢູ່ 2 ແຂວງຄື: ຈຳປາສັກ ແລະ ອັດຕະປື ທາງພາກໃຕ້ ຂອງ ສປປ ລາວ. ໂຄງການປະກອບມີ 3 ເຂື່ອນ: ຫ້ວຍໝາກຈັນ, ເຊປຽນ ແລະ ເຊນ້ຳນ້ອຍ, ເຂື່ອນໃຫຍ່ຂອງໂຄງການ ແລະ ໂຄງສ້າງສຳຄັນອື່ນໆແມ່ນຕັ້ງຢູ່ແຂວງຈຳປາສັກ. ສ່ວນໂຮງຈັກໄຟຟ້າ, ຄອງສົ່ງນ້ຳທ້າຍໂຮງຈັກໄຟຟ້າ ແລະ ສະຖານີໄຟຟ້າ ແມ່ນຕັ້ງຢູ່ແຂວງອັດຕະປື.

3. ປະຫວັດຄວາມເປັນມາຂອງໂຄງການ

- ບົດບັນທຶກຄວາມເຂົ້າໃຈ (MOU) ລະຫວ່າງບໍລິສັດ SK Engineering Construction (SKEC) ກັບ ບໍລິສັດ Korea Western Power ຈຳກັດ (KOWEPO) ໃນວັນທີ 19 ເດືອນ ກໍລະກົດ ປີ 2005 ແລະ ບົດບັນທຶກຄວາມເຂົ້າໃຈ ກັບລັດຖະບານແຫ່ງ ສປປ ລາວ (GOL) ໃນວັນທີ 3 ສິງຫາ 2006;
- ບົດບັນທຶກຄວາມເຂົ້າໃຈລະຫວ່າງລັດຖະບານແຫ່ງ ສປປ ລາວ (GOL) ແລະ ບໍລິສັດ SK Engineering Construction (SKEC) ແລະ ສຳນັກງານຕົວແທນບໍລິສັດ Korea Western Power Co. , Ltd (KOWEPO) ປະຈຳລາວໃນວັນທີ 25 ພຶດສະພາ 2007.
* ສັດສ່ວນຄ່າໃຊ້ຈ່າຍໃນການພັດທະນາ SKEC: KOWEPO: RATCH = 34%: 33%: 33%. ການອະນຸມັດການສຶກສາຄວາມເປັນໄປໄດ້ຈາກລັດຖະບານແຫ່ງ ສປປ ລາວ ໃນວັນທີ 4 ມັງກອນ 2008. * ສັນຍາພັດທະນາໂຄງການ (PDA) ໄດ້ເຊັນເປັນເວລາ 18 ເດືອນໃນວັນທີ 14 ພະຈິກ 2008.
* ສັນຍາຜູ້ຖືຮຸ້ນ ໃນວັນທີ 15 ມິຖຸນາ 2011.
* ສັນຍາສຳປະທານລະຫວ່າງ PNPC ແລະ ລັດຖະບານລາວໄດ້ລົງນາມໃນວັນທີ 19 ຕຸລາ 2012.
* ວັນປິດການລະດົມທຶນໃນວັນທີ 6 ກຸມພາ 2014.
* ສັນຍາຊື້ໄຟຟ້າ PNPC-EDL ໄດ້ເຊັນກັນໃນວັນທີ 10 ພຶດສະພາ 2013.
* ສັນຍາຊື້ໄຟຟ້າ PNPC-EGAT ໄດ້ເຊັນກັນໃນວັນທີ 6 ກຸມພາ 2013.

4. ບັນດາຂາຮຸ້ນຂອງບໍລິສັດເຊປຽນ-ເຊນໍ້ານ້ອຍ ຈໍາກັດ ໂຄງການປະກອບມີ 4 ຂາຮຸ້ນຄື: ບໍລິສັດ SK Engineering & Construction Co., Ltd (SKEC) ຖືຮຸ້ນ 26%, ບໍລິສັດ Korea Western Power Co., Ltd (KOWEPO) ຖືຮຸ້ນ 25%, Ratchaburi Electricity Generating Holding Public Co., Ltd (RATCH) ຖືຮຸ້ນ 25% ແລະ ລັດວິສາຫະກິດຖືຮຸ້ນລາວ (LHSE) ຖືຮຸ້ນ 24%.
ບໍລິສັດ SK ENGINEERING & CONSTRUCTION CO., LTD (SKEC)

ນັບຕັ້ງແຕ່ ບໍລິສັດ SK ໄດ້ສ້າງຕັ້ງຂື້ນໃນປີ 1977 ແມ່ນມີຄວາມເຕີບໃຫຍ່ຢ່າງຕໍ່ເນື່ອງ ແລະ ມີສະຖຽນລະພາບ ມີຄວາມສາມາດໃນການຄຸ້ມຄອງການກໍ່ສ້າງໂຄງການທີ່ດີເລີດໃນຂົງເຂດຕ່າງໆ ລວມທັງພື້ນຖານໂຄງລ່າງແຫ່ງຊາດ, ທີ່ຢູ່ອາໃສ, ໂຮງງານຜະລິດເຄື່ອງເອເລັກໂທຣນີກເປັນມິດກັບສິ່ງແວດລ້ອມ ແລະ ໂຮງໄຟຟ້ານິວເຄຼຍ.

ບໍລິສັດ GENERATING HOLDING PUBLIC COMPANY (RATCH)

ບໍລິສັດ Ratchaburi ເປັນບໍລິສັດລົງທຶນຊັ້ນນຳໃນທຸລະກິດຜະລິດໄຟຟ້າໃນປະເທດໄທ, ໄດ້ຖືກສ້າງຕັ້ງຂື້ນໃນວັນທີ 7 ມີນາ 2000. ປະຈຸບັນບໍລິສັດໄດ້ລົງທະບຽນເງິນທຶນ 14.500 ລ້ານບາດ. ບໍລິສັດໄດ້ລົງທະບຽນຢູ່ໃນຕະຫລາດຫລັກຊັບແຫ່ງປະເທດໄທ (SET) ພາຍໃຕ້ເຄື່ອງໝາຍການຄ້າ "RATCH".

ບໍລິສັດ Korea Western Power ຈຳກັດ (KOWEPO)

ບໍລິສັດ Korea Western Power (KOWEPO) ເປັນຜູ້ປະດິດສ້າງ ແລະ ຜູ້ສະໜອງ ທາງດ້ານອຸດສາຫະກຳພະລັງງານໃນ ສ.ເກົາຫຼີໃນສະຕະວັດທີ 21 ຊຶ່ງໄດ້ເລີ່ມທຸລະກິດດ້ານພະລັງງານໃນເດືອນ ເມສາ 2001. KOWEPO ມີການຄຸ້ມຄອງກຳລັງການຜະລິດພະລັງງານປະມານ 13% ຂອງກຳລັງການຜະລິດແຫ່ງຊາດ, ສ.ເກົາຫຼີ.

ລັດວິສາຫະກິດຖືຮຸ້ນລາວ (ລຮລ)

ລັດວິສາຫະກິດຖືຮຸ້ນລາວ (ລຮລ) ແມ່ນບໍລິສັດ ຂອງລັດ, ໄດ້ຮັບການສ້າງຕັ້ງຂຶ້ນໃນເດືອນ ກຸມພາ ປີ 2005, ຊຶ່ງຕາງໜ້າໂດຍກະຊວງການເງິນ. ລຮລ ມີໜ້າທີ່ຕົ້ນຕໍໃນການເຂົ້າຮ່ວມລົງທຶນກັບນັກລົງທຶນຕ່າງປະເທດ ເພື່ອພັດທະນາບັນດາໂຄງການໄຟຟ້າ ແລະ ຂົນຂວາຍແຫຼ່ງທຶນມາປະກອບເປັນເງິນຮຸ້ນຂອງຕົນ, ຄຸ້ມຄອງບໍລິຫານໂຄງການຮ່ວມກັບຂາຮຸ້ນ ໃນບໍລິສັດໄຟຟ້ານ້ຳເທີນ 2, ໂຄງການໄຟຟ້າຄວາມຮ້ອນຫົງສາ, ໂຄງການໄຟຟ້ານ້ຳງຽບ 1 ແລະ ໂຄງການໄຟຟ້າເຊປຽນ-ເຊນ້ຳນ້ອຍ. ພ້ອມດຽວກັນນີ້ ລຮລ ຍັງໄດ້ຖືກມອບໝາຍໃຫ້ດໍາເນີນທຸລະກິດຂາຍຂີ້ເທົ່າລອຍທີ່ເກີດຈາກຂະບວນການເຜົາໄໝ້ຖ່ານຫີນເພື່ອຜະລິດກະແສໄຟຟ້າໃນໂຄງການໄຟຟ້າຄວາມຮ້ອນຫົງສາ ໂດຍການມອບໝາຍຈາກ ລັດຖະບານ. www.laoholding.com

ຂໍ້ມູນການຜະລິດ ແລະ ລາຍຮັບ(ວັນທີ 08-14/12/2021)